Тинејџерот бара астрономска плата од Борусија Дортмунд или ќе си – замине!
Најталентираниот фудбалер на Борусија Дортмунд, 18-годишниот Јусуф Мукоко, би можел веднаш по новогодишните празници да почне преговори за потенцијални нови клубови, ако во меѓувреме „милионерите“ не го прифатат неговиот ултиматум за драстично зголемување на платата.
Мукоко има договор само до крајот на сезонава, поради што со почетокот на 2023 година по правилата на ФИФА ќе може да потпише за друг клуб со важност на договорот од следниот јуни. Тој во моментов има плата од 1,8 милиони евра годишно, а за да потпише нова соработка сака таа да биде зголемена на дури седум милиони.
