Курти: Ако КФОР не ги отстрани барикадите, ние ќе го направиме тоа

Дадовме време на КФОР токму затоа што слободата на движење од позицијата на КФОР се смета за основна вредност, рече Курти.

Косовскиот премиер Албин Курти денеска испрати писмо до КФОР и ЕУЛЕКС во кое бара да го известат дали и кога ќе ги преземат барикадите.

Тој изјави дека доколку не планираат такво нешто, Приштина има детален план сама да ги отстрани, објави Косово онлајн.

– ,,Му дадовме време на КФОР токму затоа што слободата на движење од позицијата на КФОР се смета за основна вредност” – рече Курти.

Непосредно пред денешната средба меѓу Курти и претставниците на КФОР и Еулекс, беше објавено дека косовската полиција склучила договор вреден 124.000 евра за изнајмување на „тешка механизација“ од приватна компанија која се занимава со дробење камења, но не е прецизирано за каква цел била користен од полицијата.