Запленети околу 6.200 парчиња пиротехнички средства во Скопје, приведено едно лице

Денеска (28.12.2022) на бул.„Гоце Делчев” во Скопје, полициски службеници од СВР Скопје –  Единица за недозволена трговија го привеле И.К. од с.Батинци, скопско. Тој бил затекнат како продава пиротехнички средства и кај него биле пронајдени вкупно 4811 парчиња различни видови пиротехнички средства. И.К. бил приведен во полициска станица, а пиротехничките средства биле одземени. По целосно документирање на случајот, против него ќе биде поднесена соодветна пријава.

Исто така, на ул„192″ на подрачје на Бит Пазар, полициски службеници од ЕВР Центар и Бит Пазар заплениле 1358 парчиња различни видови пиротехнички средства. Се преземаат мерки за расчистување на случајот..

The post Запленети околу 6.200 парчиња пиротехнички средства во Скопје, приведено едно лице appeared first on 24 Инфо.