ФИФА избра Палестинка за првпат да го суди Светското првенство за жени

Хеба Саадија ќе суди во Австралија и Нов Зеланд од 20 јули до 20 август 2023 година.

Светската фудбалска федерација (ФИФА) за првпат избра Палестинка да ги суди претстојните натпревари од Светското првенство за жени, јавува Anadolu Agency (AA).

Палестинската новинска и информативна агенција (ВАФА) објави дека Хеба Саадија ќе го суди Светското првенство за жени во Австралија и Нов Зеланд од 20 јули до 20 август 2023 година.

Деветтото Светско првенство за жени, кое го организираат Австралија и Нов Зеланд, е прво организирано од две држави и прво на кое учествуваат 32 репрезентации.