(Фото) Нијагарските Водопади замрзнаа поради ниските температури во САД

Делови од Северна Америка кои деновиве беа зафатени со рекордно ниски температури предизвикаа да се замрзнат Нијагарините водопади. Сликите од источниот дел на Северна Америка, кои беа направени на границата меѓу САД и Канада од воздух изгледаат како зимска бајка.

Експертите велат дека поради големата количина на вода, целосно замрзнување на водопадите е невозможно. Со секоја секунда низ водопадите се слеваат 3160 тони вода, па наместо целосно да замрзне, често се случува да се замрзне само водата на површината, пренесе New York Post.

За потсетување, арктичката бура која го погоди поголемиот дел од средниот запад и северот на САД, досега однесе 63 животи. За време на викендот, температурите се спуштија и под точката на замрзнување, а најлошо поминаа во Бафало, место кое се наоѓа на околу 40 километри од Нијагаринтие водопади.