Одење 6.000 чекори дневно може да го намали ризикот од срцеви заболувања
Мета-анализата во која учествуваа речиси 50.000 учесници покажа дека одењето помеѓу 6.000 и 8.000 чекори дневно е поврзано со помал ризик од смрт
Одење: За многумина, пешачењето стана активност број еден благодарение на многуте докажани здравствени придобивки.
Истражувањата покажаа дека оваа форма на вежбање може да го забави стареењето, да ја подобри функцијата на мозокот и да го намали ризикот од кардиоваскуларни болести.
Сепак, според новата студија објавена во Circulation, бројот на чекори што ги правите диктира колку всушност имате корист од вашата дневна прошетка. Особено кога станува збор за срцето.
Истражувачите од Универзитетот во Масачусетс Амхерст сакале да откријат врска помеѓу бројот на дневни чекори и кардиоваскуларните болести. Во нивното истражување, тие откриле дека постарите кои оделе помеѓу 6.000 и 9.000 чекори дневно имале 40 до 50 отсто помали шанси да имаат кардиоваскуларен ризик, како што се срцев удар или мозочен удар, во споредба со учесниците кои оделе само 2.000 чекори дневно.
