Доминик Тием доби вајлд-карта за Австралија опен

Поранешниот трет тенисер во светот и освојувач на Ју Ес опен 2020 Доминик Тием со специјалната покана од организаторите ќе настапи на првиот календарски грен – слем турнир Австралија опен во Мелбурн.

Австрискиот тенисер поради повреда не настапи на последното издание на Австралија опен, додека во 2020. во Мелбурн парк играше во финалето во кое загуби од Србинот Новак Ѓоковиќ во пет сетови.

Како последица на повредата Тием лани испадна од Топ 300, но во втората половина од годината победи на 22 од последните 33 натпревари и се врати меѓу најдобрите 100. Тием во моментов е на 102. место на АТП листата.

Квалификациите за првиот голем турнир во 2023 година почнуваат на 11 јануари, а главната фаза пет денови подоцна.