ХАОС ВО АВИОН при полетување: Патниците се степале, ТУПАНИЦИ ЛЕТАЛЕ НА СИТЕ СТРАНИ! (ВИДЕО)

На видеото снимено од патник се гледа како неколку луѓе го напаѓаат човекот додека тој се обидува да ги одврати ударите додека екипажот прави се за да го врати редот

Снимката од тепачка во авионот на летот на Тајланд Смајл Ервејс стана вирална на интернет, бидејќи еден патник беше нападнат откако ги одбил упатствата на екипажот да го подигне своето седиште пред полетувањето.

Инцидентот се случил во Бангкок во понеделникот кога авионот требало да отпатува за Калкута, Индија, објави NDTV.

Стјуардесите им рекле на патниците да ги наместат седиштата во исправена положба и да ги врзат појасите, но еден од нив одбил да го стори тоа велејќи дека го боли грбот.

И покрај постојаните барања, човекот упорно одбивал да се усогласи и му рекол на екипажот дека може да го пријават кај капетанот ако сакаат.

Набргу потоа, другите патници скокнале, бесни од неговото однесување и се соочиле со него.

На видеото снимено од патник се гледа како неколку луѓе го напаѓаат човекот додека тој се обидува да ги одврати ударите додека екипажот прави се за да го врати редот

Во соопштението објавено на Твитер, авиокомпанијата соопшти дека „инцидентот е решен“ по „процедурите за безбедност на летот во согласност со меѓународните стандарди“.

– Нашиот персонал веќе им пружи поддршка на луѓето погодени од инцидентот – се додава во соопштението.

Летот доцнел поради конфликт во кој немало сериозни повреди.

На патниците вклучени во тепачката не им било дозволено да нарачаат алкохолни пијалоци за време на летот.

Бирото за безбедност на цивилното воздухопловство соопшти дека го прегледува видеото и го истражува случајот.