Тешка сообраќајка во беровско: Се судрија две возила, има повредени

Три лица се повредени во сообраќајка во беровско.

На 20.06.2024 во 15.50 часот во ОВР Берово било пријавено дека на регионалниот пат Берово – Струмица, атар на село Русиново, беровско, се случила сообраќајна несреќа помеѓу патничко возило „фолксваген пасат“ со пехчевски регистарски ознаки управувано од В.М.(57) село Робово, општина Босилово и патничко возило „фолксваген голф“ со беровски регистарски ознаки управувано од Ј.М.(63) од село Ратево, беровско.

Во несреќата со тешки телесни повреди се здобиле возачот В.М. и неговата сопатничка М.М.(24) од село Робово, а возачот Ј.М. се здобил со телесни повреди констатирани во Клиничка болница Штип, соопштија од полицијата.

Извршен бил увид од увидна екипа од ОВР Берово.