Крис Робертс и неговиот тим на Cloud Imperium Games веќе имаат план за 2026 година.


Како што најавија, Squadron 42 конечно треба да ја види светлината на денот во 2026 година – ако името звучи познато, тоа е затоа што пред десет години беше објавено дека играта е „речиси завршена“.

Станува збор за видео игра за еден играч која се одвива во вселената, а е сместена во поширокиот универзум наречен Star Citizen.

Датумот на издавање е толку многу поместен што ретко кој ги држи за збор Робертс и тимот кога се во прашање новите најави, а во меѓувреме играта, барем како што велат, е подобрена со силна актерска екипа и многу други нови технологии.

Многумина сметаат дека оваа игра е најамбициозниот и најбараниот проект за компјутер денес – минатата недела беше прикажано демо за време на кое играта многу „падна“, но фановите на конвенцијата Citizen Con во Манчестер сепак можеа да видат околу еден час игра. Ако мислите дека ова е многу, се лажете – се најавуваат 30 или 40 часа игра.