САД ќе ја прогласат руската Вагнерска група за меѓународна криминална организација

Покрај одлуката на Министерството за финансии да го назначи Вагнер за „транснационална криминална организација“, администрацијата на Џо Бајден следната недела ќе воведе економски санкции за организацијата и нејзината мрежа за поддршка.

Соединетите Американски Држави (САД) планираат да ја прогласат групата Вагнер, руска приватна воена корпорација, за меѓународна криминална организација и да воведат дополнителни санкции за фирмата поврзана со Кремљ.

Покрај одлуката на Министерството за финансии да го назначи Вагнер за „транснационална криминална организација“, администрацијата на Џо Бајден следната недела ќе воведе економски санкции врз организацијата и нејзината мрежа за поддршка, изјави за новинарите во петокот портпаролот на Советот за национална безбедност Џон Кирби.

„Овие акции ја препознаваат трансконтиненталната закана што ја претставува Вагнер, вклучително и континуиран модел на сериозни криминални активности“, рече Кирби.

„Нашата порака до секоја компанија која размислува да ја поддржи групата Вагнер е едноставно следнава: Вагнер е криминална организација која врши широко распространети злосторства и кршење на човековите права“, додаде тој.

Според американските проценки, групата Вагнер има околу 50.000 членови распоредени во Украина за поддршка на руските воени напори во таа земја.

Руската воена корпорација одигра клучна улога во неодамнешните успеси на Русија во Донбас и е вклучена во други конфликти ширум светот, вклучително и во Либија, Централноафриканската Република и Мали.

Евгениј Пригожин, водачот на групата, во четвртокот изјави дека неговите платеници „целосно ја презеле контролата“ врз Клешеевка, клучното предградие на градот Бахмут преку кое украинските војници се снабдуваат со оружје и воена опрема.

Пригожин рекол дека околу Клешчејевка избувнале жестоки борби.

„Спротивно на различните мислења дека АФУ (вооружените сили на Украина) бегаат од Артјомовск (руското име за Бахмут), тоа не е така. АФУ работи јасно и непречено. Имаме многу да научиме од нив. Но Во секој случај, единиците на ПВК Вагнер тие се движат напред метар по метар. Населбата Артјомовск ќе биде окупирана“, изјави тогаш Пригожин.