Помагаат за исфрлање на камења и песок од бубрегот: Три природни лекови

Ова се рецептите

На луѓето кои моментално имаат камења во бубрезите им се препорачува да пробаат неколку домашни рецепти направени со состојки кои имаат ниска содржина на оксалатни (соли) состојки кои го спречуваат растот на камењата во бубрезите, како и состојки кои можат да ги растворат веќе настанатите камења. Пред да пробате каква било нова диета, консултирајте се со вашиот лекар.

Домашен леб со ниска содржина на оксалати

Измешајте 2 лажици шеќер, 1 чаша топла вода и 1 чаша пченично брашно со кесичка сув квасец во голема чинија. Кога смесата ќе почне малку да нараснува, додадете уште половина чаша пченично брашно, половина лажица сол, 1 чаша обично брашно и 2 лажици растително масло.

По добро мешање, свртете го тестото на рамна површина и додадете уште половина чаша обично брашно со по 2 лажици семки од сончоглед и овесни снегулки.

Месете го тестото неколку минути додека сите состојки добро не се соединат, па ставете го во чист сад (на дното на садот прво ставете малку масло).

Оставете го тестото да нарасне, да се удвои во големина, а потоа нежно обликувајте го во леб (или неколку лепчиња), ставете го на тепсија или тава за печење.

Оставете да стаса уште 30 минути, па печете го лебот околу 30 минути на 190 °C додека не порумени.

Сок од калинка

Излупете ја кората од 2 калинки со средна големина и ставете ги семките од калинка во голем блендер. Блендирајте неколку минути додека не се формира течен розов сок. Исцедете го сокот во чаша и испијте го. Не додавајте шеќер или сол, освен ако вашиот лекар не ви каже така.

Сок од лимон со мед

Додадете сок од еден свеж лимон и лажица мед во 230 мл топла или ладна вода. Ставете ја смесата во блендер и блендирајте неколку секунди додека состојките добро не се соединат. Овој освежителен пијалок има високо ниво на лимонска киселина, која помага да се намали киселоста на урината. Се пие веднаш штом се направи.