Молдавската претседателка се надева дека нејзината земја до 2030 ќе биде дел од ЕУ

Претседателката на Молдавија, Маја Санду, изрази надеж дека нејзината земја ќе стане дел од Европската унија до 2030 година…

„Јас сум амбициозна во моите желби. Мислам дека треба да станеме дел од Европската унија до крајот на оваа деценија“, рече Санду, цитирана од државната телевизија „Молдавија-1“.

ЕУ во јуни на Молдавија и додели кандидатски статус. Тоа беше дипломатски триумф за Санду, чија земја е една од најсиромашните во Европа.

Новиот министер за економија на Молдавија, Думитру Алаиба, овој месец изјави дека планира долгорочни реформи за да ги постави темелите за бизнис ориентирана економија и да го забрза влезот на Молдавија во ЕУ.