Узбекистан и САД разговараа за регионалните врски и понатамошна соработка

Узбекистанскиот министер за надворешни работи Владимир Норов и американскиот државен секретар Ентони Блинкен за време на состанокот во САД разговараа за билатералните врски и понатамошната соработка меѓу Ташкент и Вашингтон

Узбекистанскиот министер за надворешни работи Владимир Норов и американскиот државен секретар Ентони Блинкен за време на состанокот во САД разговараа за билатералните врски и понатамошната соработка меѓу Ташкент и Вашингтон.

„Државниот секретар високо ја цени регионалната политика промовирана од Узбекистан, која придонесува за зајакнување на атмосферата на доверба и меѓусебно разбирање во Централна Азија“, се вели во соопштението на узбекистанското Министерство за надворешни работи.

Според соопштението, Блинкен го поздравил договорот на Узбекистан и Киргистан за демаркација на нивната државна граница, велејќи: „Мислам дека ова испраќа силен сигнал до многумина во регионот и пошироко за важноста на дипломатските способности за справување со прашања како ова“.

Блинкен, исто така, укажа на важноста од одржување на вториот состанок на американско-узбекистанскиот стратегиски партнерски дијалог за да се координираат итните прашања од билатералната соработка и да се утврдат понатамошните заеднички приоритети.

„Беше нагласен интересот на страните за градење партнерства во трговијата, инвестициите, науката и образованието, транспортот и логистиката“, се додава во соопштението.

Узбекистанското МНР информира дека највисоките дипломати размениле мислења и на билатерална основа и во рамките на регионалниот формат Ц5+1.

Ц5+1 беше формиран за време на Генералното собрание на ОН во 2015 година, кога претседател на САД беше Барак Обама. Тоа е главната платформа на САД за дијалог со регионалните држави.

АА